Transcription
1
Monsieur Je cuyde que vous avés heu des nouvelles de
2
la court plus frèche que celles du XVe qui me gardera
3
de vous en dire ce qui coure en ce lieu. A ce matin il est
4
veneu ung homme dicy pour madvertir quon alla
5
hier encores asalhir le fort dont ilz n’ont rien gangné
6
que destre bien batus. Jay veu une lettre quon escripvoit
7
à une damoiselle de ce païs là où lon luy mande donner
8
ariver des forces et que lexperance quon advoit que tout
9
sadoussiroit ce trove plus aygrir et qu’elle mete son
10
frère dans quelque lieu fort pour quelque jornées et
11
quil fera avecques Clavet quelle nara point de mal.
12
Il nya point de dessoubz ny d’où[dol ?] elle vient cy nest de
13
votre maison elle est escripte. Il est demeuré quelque soldatz
14
du Pelous dans Qintenas qui me mande quon les veult
15
asieger. Ils pormete beaucop que cylz le tienent seur
16
meyulx quon nen espère. Je suis icy sens que messieurs
17
du païs veullent non seullement venyr mès comme ilz
18
sont teneus mès [= m’en] faire une ceulle responce de ce
19
quil fault faire pour le service de sa magesté ny
20
deffance du païs qui ne souffre seullement, mès soy
21
cauze que les voisins en aient leur part. Ilz me pance
22
bien travailher comme ilz ne sont desseus, mès je les
23
mais [= mets] à ung chemin quilz ce tiennent [trouvent ?] plus empechés
24
que moy et ceux qui le leur font faire, car je say
25
bien trouver la verité de leux heunuis et comme ilz
26
hont mys le païs en proye. Je vous asseure monsieur
27
que je me trouve bien empeché voient telles façons et
28
ce que jay quent je doive tout perdre ou me engager
29
je le gardois de façon que cy mal aryve, lon congnoist
30
[143B]
31
que cella ne viendra de moy. Quent à mon nepve[u] de
32
Turenne, je desires que Dieu luy fit la grace de fère service
33
au roy et quil resamboit son [mot barré] père vous saviés
34
quil estoit, qui me gardera de vous en dire daventage,
35
me recommandant humblement à votre bonne grace, suplient Dieu
36
vous donner longue vye. De Tournon, ce XXIIIe mars 1574.
37
Votre humble et obeissante
38
Claude de Tournon